O RC Deportivo habilita a pre-reserva de entradas para o partido do sábado 29 de marzo ás 16:15 no Estadio da Malata, correspondente á 33ª xornada de LaLiga Hypermotion.
O equipo ferrolán puxo a disposición do RC Deportivo un total de 210 entradas, das cales o 40% serán xestionadas e vendidas pola Federación de Penas (84), e o resto a través do Club (126).
O RC Deportivo solicitou ao Racing de Ferrol a ampliación da bancada visitante e do número de entradas dispoñibles para a mesma para este encontro, pero o conxunto ferrolán non puido atender á petición efectuada.
As localidades teñen un prezo de 20 euros, e quedan limitadas a 2 localidades por abonado (debendo ser acódelas usuarias de ambas as localidades abonadas do RC Deportivo). Para realizar a xestión, o abonado deberá acceder á web reservas.rcdeportivo.es.
A pre-reserva poderase realizar desde este sábado 22 de marzo até o domingo 23 de marzo ás 20:30 horas.
No caso de que houbese máis abonados en pre-reserva que entradas dispoñibles, realizarase un sorteo, cuxo resultado se comunicará aos abonados agraciados o domingo 23 de marzo durante a noite, os cales poderán acudir a recoller as entradas á Oficina de Atención ao Deportivismo (OAD) ese mesmo luns 24 e o martes 25 de marzo de 10.00 a 13:30 horas e de 16.30 a 19.00 horas.
As entradas que non fosen retiradas nas datas indicadas polos agraciados serán asignadas aos suplentes que se designarán, así mesmo, no sorteo realizado. Por conseguinte, non haberá venda física de entradas na OAD para este encontro.
Será obrigatorio presentar o abono e o DNI dos dous asistentes; lembrando e insistindo en que os dous deben de ser abonados do RC Deportivo.
