O RC Deportivo habilita a prerreserva de entradas para o partido do domingo 27 de abril ás 16:15 en El Sardinero, correspondente á 37ª xornada de LaLiga Hypermotion.
O Real Racing Club puxo a disposición do RC Deportivo un total de 850 entradas, das cales o 40% serán xestionadas e vendidas pola Federación de Peñas (340), e o resto a través do Club (510).
As localidades teñen un prezo de 20 euros, e quedan limitadas a 2 localidades por abonado. Para realizar a xestión, o abonado deberá acceder á web reservas.rcdeportivo.es.
A prerreserva poderase realizar desde este mércores 16 de abril até o domingo 20 de abril ás 12:00.
No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o domingo 20 de abril ao longo da tarde; e así mesmo comunicaráselles a forma de pago e como recibir as entradas.
As entradas que non fosen retiradas o martes ás 19:00 horas serán asignadas aos suplentes que se designarán, así mesmo, no sorteo realizado. Por conseguinte, non haberá venda física de entradas na OAD para este encontro.
Será obrigatorio presentar o abono e o DNI do abonado.
