O RC Deportivo e o Hockey Club Liceo prolongaron esta mañá o seu convenio de colaboración cun acto celebrado na sala de prensa de Abegondo.
Participaron na firma Massimo Adalberto Benassi, Conselleiro Delegado do RC Deportivo; e Daniel Echevarría, Presidente do HC Liceo.
O acordo representa un paso importante para reforzar o tecido deportivo da cidade da Coruña e promover o deporte na nosa comunidade.
O convenio establece un conxunto de accións que inclúe a promoción do proxecto deportivo do HC Liceo e facilidades para que os abonados do RC Deportivo asistan a partidos do HC Liceo con condicións especiais, ademais de accións sociais a través da Fundación RC Deportivo.
Ademais, reflicte o compromiso de ambas as partes por potenciar o deporte; fortalecer a comunidade; e promover valores de colaboración, esforzo e respecto.
Nesta liña, Massimo Adalberto Benassi recalca que "este acordo contribuirá a dinamizar o deporte na Coruña, consolidando á cidade como un referente no ámbito deportivo.
O Conselleiro Delegado do RC Deportivo quere "desexarlle, ademais, toda a sorte ao HC Liceo nesta próxima temporada e que sirva para seguir ampliando a súa xa glorioso palmarés".
