O San Tirso SD Cadete visita mañá mércores 3 de abril ao ED Val Miñor Nigrán en choque correspondente á 25ª xornada da División de Honra, disputada antes da Semana Santa.
O encontro comezará ás 18:30 no campo de Condomínguez, en Nigrán.
A falta deste partido, o San Tirso SD Cadete é 9º na táboa con 32 puntos; mentres que o ED Val Miñor Nigrán marcha na 5ª posición con 37 puntos.
Antes desa cita, concretamente esta tarde, Gael, Mauro e Samba adestraranse coa selección galega sub-16 a partir das 18:30 na Estrada co obxectivo de preparar a Fase de Plata do Campionato de España por autonomías que se xogará a finais de mes.
