O RC Deportivo puxo en marcha o servizo de cita previa para renovacións e altas de abonos para a Temporada 2017-2018, co fin de facilitar a xestión e minimizar a espera aos afeccionados deportivistas.
Por segunda campaña consecutiva, o deportivismo poderá gozar deste servizo, co que o Club pretende evitar as longas colas. Na páxina citaprevia.rcdeportivo.es xa se pode solicitar día e hora para abonar e recoller o carné de socio para a Temporada 2017-2018, a cuarta consecutiva en LaLiga Santander.
Todos aqueles deportivistas que non soliciten cita previa terán que esperar que se liberen os postos no despacho de billetes, pois prevalecerán aqueles que soliciten a cita previa. Para calquera dúbida ou problema, os interesados poden porse en contacto con atencion.deportivista@rcdeportivo.es ou no teléfono 981 259 500 extensión 1.
