O cadro do Deportivo, sen os internacionais Celso Borges e Fabian Schär, realizou esta tarde unha nova sesión de adestramento con dúas tarefas fundamentais: un traballo de posesión e un partido en espazo reducido no campo 2 da Cidade Deportiva de Abegondo.
Fede Cartabia e Luisinho adestráronse co readaptador Fran Molano; e quedaron no vestiario Lucas, Sidnei, Andone, Fede Valverde e Muntari non saltaron ao céspede do complexo deportivista.
Por contra, exercitáronse hoxe ás ordes de Clarence Seedorf os canteiráns Edu Expósito, Lucas, Carlos López, Jardel e o xuvenil Mujaid.
Mañá venres, ás 11:30 horas, o técnico citou a Bakkali, Adrián López, Çolak, Borja Valle, Carles Gil e Koval; mentres que o cadro ao completo está convocado de novo ás 18:00 horas en Abegondo.
Once futbolistas esta mañá sobre o céspede de Abegondo
Once futbolistas do primeiro cadro, ademais dos canteiráns Mujaid e Lucas, adestráronse esta mañá ás ordes de Clarence Seedorf no campo 2 da Cidade Deportiva, nunha sesión fundamentalmente táctica.
Ás 11:00 horas saltaron ao céspede TytoÅ, Rubén, Koval, Juanfran, Albentosa, Gerard Valentín, Lucas e Mujaid.
E ás 11:45 horas, a quenda foi para Emre Çolak, Borja Valle, Bakkali, Carles Gil e Krohn-Dehli; ademais dos 3 porteiros citados.
Todo o cadro está citado en Abegondo esta mesma tarde ás 18:00 horas.
