Os alumnos da Escola de Adestradores do RC Deportivo (Dépor Coaching Academy) viviron unha xornada moi especial coa visita ao Museo & Tour do RC Deportivo.
Formarse na escola non é só adquirir coñecementos técnicos ou metodolóxicos senón que tamén supón vivir o Dépor desde dentro, entender a súa historia, a súa identidade e sentir o que significa pertencer a un club con alma.
Percorrer os momentos máis emblemáticos, coñecer de preto o legado do Dépor e conectar coa súa cultura converte a aprendizaxe nunha experiencia única, real e transformadora.
A Dépor Coaching Academy forma adestradores preparados para marcar a diferenza dentro e fóra do campo.
Importantes vantaxes
A Escola de Adestradores do RC Deportivo (Dépor Coaching Academy) é un centro de formación autorizado pola Consellería de Cultura, Educación e Formación Profesional Orde 20 de xullo de 2005 (DOG 2/08/2005).
Baseada no Método Dépor, ofrece unha serie de importantes vantaxes:
-Os títulos son oficiais e ademais homologados pola RFEF con validez tanto nacional como internacional.
-As prácticas están garantidas no RC Deportivo.
-Acceso a bolsa de traballo no club.
-Horario compatible con estudos ou traballo: de 19:30 a 23:10 o luns e mércores; e o sábado de 9:00 a 14:00 (só primeiro trimestre)
-Masterclasses con profesionais do Dépor: Massimo Adalberto Benassi, Fernando Soriano, Kevin Cabado...
-Carné de abonado gratis para asistir aos partidos en ABANCA-RIAZOR.
Pide información enviando un email a dcs@rcdeportivo.es ou ben chamando ao 689 618 558.
Máis información nesta ligazón.