Pablo García Taboada (A Coruña, 23 de xaneiro de 2008) está convocado pola selección española sub-17 para disputar dous amigables ante Xapón neste mes de decembro na localidade alacantina de Alfaz del Pi.
O canteirán branquiazul, que acaba de renovar o seu contrato até 2027, incorporarase o vindeiro luns 9 de decembro á concentración do equipo nacional.
O calendario de partidos é o seguinte:
Xoves 12 de decembro
11:00: ESPAÑA - XAPÓN, en Alfaz del Pi
Sábado 14 de decembro
11:00: ESPAÑA - XAPÓN, en Alfaz del Pi
Pablo García chegou a Abegondo na temporada 2016-17 ás filas do Benxamín B e, sendo xogador cadete, foi convocado a campaña pasada polo primeiro equipo para disputar o play off de campións de Primera RFEF ante o CD Castellón.
Este verán, Pablo García realizou a pretemporada co primeiro equipo e participou nun total de 5 partidos amigables. Ademais, foi citado en 3 ocasións en LaLiga Hypermotion aínda que non chegou a saltar ao terreo de xogo.
Co Fabril xogou 7 encontros en Segunda Federación, 4 deles como titular.
