O central hispano-francés do RC Deportivo, Pablo Jean-Antoine Martínez (Orange, Francia, 21 de febreiro de 1989) resultou elixido xogador do mes dos seu aniversario pola afección do RC Deportivo.
Impúxose na votación final, á que accedeu empatado con Lucas Pérez na proposta de candidatos que os medios de comunicación formulan, e na que tamén se atopaba o seu compañeiro da zona de retagarda do equipo Ian Mackay. O gardameta acumulou o 7,2%, o dianteiro o 37,9 mentres que o defensor sumou o 54,9% dos 3.664 votos finais.
No mes de febreiro Pablo Martínez disputou íntegros os catro partidos ante Mérida, Sanse, Talavera e Badajoz, nos que o equipo logrou manter a porta a cero, xeira mantida no arranque deste mes de marzo. Desde a sétima xornada disputou todos os minutos posibles co equipo.
"É un premio que todo o mundo merece e neste momento, máis, a defensa que facemos un traballo de tolos xunto ao meu porteiro, que o merecía tamén, pero estou moi contento porque non estou afeito recibir premios. É o primeiro e oxalá haxa máis", sinalou.
Pablo Martínez recolle a testemuña de Lucas Pérez na lista de galardoados desta temporada, á que xa optara o pasado mes xunto ao propio Lucas e a Diego Villares.
Martínez únese a Lucas, Quiles (2) e Villares (2) no palmarés desta temporada 2022-2023 do Xogador Estrella Galicia.
