Alba Merino viuse obrigada a retirarse do adestramento do pasado mércores en Abegondo a consecuencia dunhas molestias musculares.
As probas realizadas posteriormente polos Servizos Médicos do Real Club Deportivo revelan unha lesión nos isquiotibiais da súa perna esquerda.
Así pois, a capitá do Deportivo ABANCA estará uns días con tratamento médico e de fisioterapia; e, en función da súa evolución, pasará a continuación á fase de readaptación física, paso previo ao seu regreso aos adestramentos co grupo.
