Manuel Pablo sofre unha "lesión muscular de grao uno cun despegamiento miofascial mínimo no sóleo da súa perna dereita", segundo indicou Barral. "Este tipo de lesións, só dan a lata un cinco por cento. Pois parece que nos tocou a nós. Rotamos os tratamentos e esperamos agora dar co que resolva definitivamente este problema", engadiu o galeno deportivista, quen ademais subliñou que o "clinicamente está ben. Non lle doe ao andar nin ao subir escaleiras, pero á hora de saltar ao campo, o músculo se contractura e impídelle realizar o traballo co grupo".
Lassad ten unha "contractura no bíceps femoral dereito que se produciu adestrando coa súa Selección. Neste caso a evolución é moi positiva".
Antonio Tomás recupérase dunha rotura fibrilar no recto anterior coxa dereita. "Trátase dunha lesión que se produciu ao golpear o balón, nun saque de esquina, e é precisamente o que non está a facer. Adestra unha parte con todos pero non se lle deixa realizar lanzamentos longos precisamente para protexer esa zona, na que segue con molestias".
Por fin, con Ze Castro recuperado, Bodipo "está cunha faringitis da que a evolución é moi positiva; e Mista "pasou revisión esta tarde da súa pubalxia co doutor Rafa Arriaza no Hospital USP Santa Teresa".
