Portugal, Asturias, Vilalonga, Ribadeo e por suposto ABANCA-RIAZOR acollerán esta pretemporada ao Dépor ABANCA.
A falta de confirmar o Trofeo Teresa Herrera, o primeiro rival das branquiazuis será o Valadares Gaia FC de Primeira División lusa. A cita terá lugar o sábado 6 de agosto na localidade portuguesa de Vilanova de Gaia.
Desta maneira, o Dépor ABANCA devolve a visita ao Valadares Gaia FC porque hai un ano, o conxunto portugués impúxose na Coruña na quenda de penaltis ao branquiazul no Trofeo Teresa Herrera disputado en ABANCA-RIAZOR. Ao final do tempo regulamentario chegouse con empate sen goles.
Dous partidos en Asturias (ante SD Eibar en Colunga e Athletic Club B en Villaviciosa), un en Vilalonga (Trofeo Concello de Sanxenxo ante o Viajes InterRías FF) e outro en Ribadeo (Trofeo Emma Cuervo fronte ao Real Oviedo Femenino) completarán esta xira estival do Dépor ABANCA.
O calendario de pretemporada do Dépor ABANCA, pendente do Trofeo Teresa Herrera, é o seguinte:
Valadares Gaia FC - Deportivo ABANCA, sábado 6 de agosto, 18:00 (hora española), Complexo Desportivo Valadares (Vilanova de Gaia, Portugal)
Deportivo ABANCA - SD Eibar, mércores 17 de agosto, 18:00 horas, campo de fútbol de Santianes (Colunga, Asturias)
Viajes InterRías FF - Deportivo ABANCA (Trofeo Concello de Sanxenxo), domingo 21 de agosto, 19:00 horas, campo Novo San Pedro (Vilalonga, Pontevedra)
Deportivo ABANCA - Real Oviedo Femenino (Trofeo Emma Cuervo), domingo 28 de agosto, 18:00 horas, Estadio Pepe Barrera (Ribadeo, Lugo)
Deportivo ABANCA - Athletic Club B, sábado 3 de setembro, 18:00 horas, Campo Municipal Les Caleyes (Villaviciosa, Asturias)
