O Deportivo continúa preparando o seu encontro do Teresa Herrera ante a S.S. Lazio, que suporá o debut deportivista ante a afección de Riazor. O partido será o sábado ao nove da noite. Hoxe o adestramento foi en Riazor.
O campión da liga italiana chega o venres á cidade herculina e exercitarase o venres pola tarde, ás 17:00 horas, e o sábado pola mañá, ás 10:00, no Campo de La Torre.
O Teresa Herrera deste ano ten o interese engadido de contar coa participación do Campión de Liga española e do seu homólogo italiano. Esta é a vixésima actuación do Deportivo neste trofeo, fronte á terceira da Lazio.
Por outra banda, Diego Tristán pasou esta mañá o recoñecemento médico do Club.