O próximo 2 de agosto, xogarán o Bergantiños co Betanzos e o Dubra co Dorneda. Os vencedores desta primeira rolda enfrontaranse entre si o 5 de agosto. De aquí sairá o rival fabrilista o día 9.
Perico Ramallo contará con estes futbolistas no regreso á Terceira División: Diego Rivas, Seoane, Rochela, Castelo, Momar, Dani, Chirri, Hugo García, Cristian Vale, Nacho, Joshua, Karl, Toni, Valencia, Vieites, Añón, Héctor, Raúl e Luís Anxo. Os xuvenís Edu, Vea, Richi e Juan Carlos, con ficha do Xuvenil A, tamén traballarán estes primeiros días co filial. Juan Domínguez, do mesmo xeito que Marcos Valín, adestrarase os primeiros días ás ordes de Lotina. Chirri e Rochela están agora mesmo concentrados coa Selección Española Sub-19 na Cidade do Fútbol en Las Rozas (Madrid), preparando o Campionato de Europa da categoría.
De momento, o Deportivo B, que comezará mañá martes os adestramentos ás 17.00 horas no Mundo do Fútbol, ten confirmado estes encontros amigables de pretemporada:
Do 24 ao 26 de xullo, Trofeo Concello de Arteixo Festas do Apostol. O Fabril disputará a primeira semifinal o venres 24 ante o Atlético Arteixo no Campo Municipal de Ponche dous Brozos. Cerceda e Laracha xogarán a outra semifinal o 25. A final será o domingo 26 de xullo.
29 de xullo. Fabril - Combinado de xogadores de Senegal, no Mundo do Fútbol
2 de agosto. Fabril - Lugo na localidade coruñesa de Miño
6 de agosto. Fabril - Galicia de Mugardos, no Mundo do Fútbol
9 de agosto. Cuartos de final de Cópaa Deputación, en campo alleo contra un destes equipos: Bergantiños, Betanzos, Dubra ou Dorneda.
12 de agosto. Semifinais de Cópaa Deputación, se se clasifica o Fabril.
15 de agosto. Fabril - Montañeiros, con motivo do 75 Aniversario do Sporting Coruñés. O partido xogarase na Coruña, nun campo por fixar
16 de agosto. Posible final de Cópaa Deputación (a elixir entre esta data ou o 23 de agosto)
23 de agosto, ás 12.00 no Campo das Mariñas de Sada: Fabril - Selección de Sada, con motivo da sétima Festa Gastronómica branquiazul na praia de Sada, organizado pola Pena Deportivista Ribeira de Sada en colaboración coa Pena Bodipo Casa Freire.
23 de agosto. Posible final de Cópaa Deputación (a elixir entre esta data ou o 16 de agosto)
