RCDeportivo RCDeportivo RCDeportivo
Skip to main content
PORTADA

Primeira cita de David Mella con España sub-17, mañá venres en Benidorm

Foto: - @SEFutbol -

David Mella está concentrado coa selección española sub-17 para disputar dous partidos amigables ante Países Baixos: en Benidorm e A Nucía.

Este combinado nacional ten o seu cuartel xeral na localidade alacantina de Alfaz do Pi. Mañá venres 8 de outubro, a partir das 16:00, será o primeiro dos choques para o canteirán branquiazul, no Estadio Guillermo Amor de Benidorm.

David Mella acaba de debutar co Xuvenil A na UEFA Youth League e o pasado domingo saltou ao céspede na segunda parte do partido do Fabril ante o Polvorín FC en Terceira RFEF.

O calendario de partidos do combinado nacional é o seguinte:

Venres 8 de outubro

16:00: ESPAÑA - PAÍSES BAIXOS, no Estadio Guillermo Amor de Benidorm

Domingo 10 de outubro

11:30: ESPAÑA - PAÍSES BAIXOS, no Estadio Camilo Cano da Nucía

Ese mesmo domingo, o atacante deportivista regresará á Coruña.

O pasado mes de agosto, David Mella xa estivo concentrado coa selección española sub-17 para dous amigables ante Francia, ambos na localidade gala de Montaigu. Tivo minutos en ambos os encontros e no segundo, no que foi titular, anotou ademais dous goles.