O Dépor ABANCA estreouse en Segunda Federación cun triunfo por 2-1 no campo principal de Abegondo ante o Madrid CFF B.
Sandro Nogueira, técnico deportivista, puido contar para este encontro con futbolistas en dinámica do primeiro equipo caso de Paula Novo, Michi Apóstol, Carmen Carballada ou Redru, que mesmo xogou o sábado os últimos 10 minutos co Dépor ABANCA en Liga F ante o RCD Espanyol.
A protagonista do choque foi Sara Cercido. Saltou ao céspede no minuto 68 en substitución de Daniela Valbuena e na recta final foi a autora dos dous goles do seu equipo, no minuto 77 e no 83, este último de bela factura.
As madrileñas recortaron distancias no minuto 83 pero os 3 puntos quedaron en Abegondo.
Deportivo ABANCA B: Martina Rivas, Sara Barreda, Noe Mayo (Marta Rico, min. 55), Paula Novo, Michi Apóstol, Carmen Carballada, Sonsoles (Laura Otero, min. 82), Lucía Mariño, Redru, Valbuena (Sara Cercido, min. 68) e Laura Ruiz (Jenni Corros, min. 55).
O vindeiro domingo 14 de setembro ás 12:00 o Dépor ABANCA B visita ao Bizkerre Club de Getxo.
