Paula Redruello 'Redru' pasouse pola sala de prensa do Dépor Training Center este xoves 18 de decembro.
Do partido ligueiro ante a Real Sociedad da pasada fin de semana conclúe que "xogar contra equipos como a Real, moi traballado, fainos a nós tamén traballar outros aspectos como igual non ter tanto balón. Para seguir crecendo necesitamos estes rivais e esta fin de semana (co partido de Copa de la Reina o domingo 21 ás 12:00 en ABANCA-RIAZOR) seguir sumando cousas boas".
Precisamente sobre ese choque copeiro indica que "temos a sorte de poder xogar contra elas a fin de semana pasada, poder corrixir detalles e erros que tivemos durante o partido e poder demostralo esta fin de semana".
A nivel persoal, comenta que a súa temporada é "soñada. Estou moi contenta desde o primeiro día aquí no Club, un club moi acolledor. Fíxome sentir como en casa desde o primeiro día. Tanto co B como co primeiro equipo tento sempre dar o mellor de min, tentando achegar o mellor para as compañeiras, para o equipo".
É máis, engade que as súas convocatorias coa selección española sub-19 son "froito do traballo de todo o ano. Grazas ao Dépor tamén".
