A visita do Fabril á SD Sarriana no campo de A Ribela foi o partido máis destacado en ANOSACANTEIRA este domingo 30 de novembro.
Os fabrilistas, que caeron a pasada fin de semana no campo Arsenio Iglesias a pesar do seu gran partido fronte ao líder Gimnástica Segoviana CF, igualaron a un gol e, con 24 puntos, son terceiros na táboa.
Completou a xornada dominical a vitoria por 0-2 do Cadete (na foto inferior) en Vigo ante o CD Areosa.
Este sábado 29 xogouse o resto da xornada.
Sobresaíu o partido entre o Xuvenil A (na foto principal da noticia) e o Sporting de Gijón no campo Arsenio Iglesias.
Adiantáronse os asturianos na primeira metade cun gol en propia meta e empataron os pupilos de Miguel Figueira con outro en propia portería xixonés.
Con este resultado, Os Nosos suman 22 puntos, situados na 3ª posición da División de Honra.
O outro gran partido da xornada foi #ONOSODERBI na Liga Nacional entre os dous aspirantes ao título.
O Xuvenil B caeu por 2-1 na Madroa ante un RC Celta B que se escapa no liderado.
Ademais, o San Tirso SD Cadete gañou na Gándara ao Racing de Ferrol (1-2), o Infantil empatou sen goles co ED Val Miñor Nigrán en Condomínguez (0-0); mentres que o San Tirso SD Infantil superou no Monte ao Racing de Ferrol (3-2), resultado co que suma 21 puntos no grupo de cabeza da División de Honra.
Finalmente na Torre xogaron o Alevín A (11-0), Fabril FC Alevín (0-1) e Fabril FC Benxamín (4-3).
A vitoria do Benxamín A ante a UD Carral correspondente á 10ª xornada na Primera Futgal A Coruña abriu este pasado xoves 27 de novembro no Municipal Rodríguez Ans de Carral o calendario de partidos.
Os resultados da fin de semana foron os seguintes:
Segunda Federación
13ª xornada: SD SARRIANA 1 - FABRIL 1 (Bil)
Categoría xuvenil
División de Honra, 11ª xornada: XUVENIL A 1 (un futbolista rival en propia meta) - SPORTING DE GIJÓN 1
Liga Nacional, 13ª xornada: RC CELTA B 2 - XUVENIL B 1 (Roi Cabada)
Categoría cadete
División de Honra, 11ª xornada: CD AREOSA 0 - CADETE 2 (Sergio Cortizo -2-)
División de Honra, 11ª xornada: RACING DE FERROL 1 - SAN TIRSO SD CADETE 2 (Adrián e Tiago Caamaño)
Categoría infantil
División de Honra, 11ª xornada: ED VAL MIÑOR NIGRÁN 0 - INFANTIL 0
División de Honra, 11ª xornada: SAN TIRSO SD INFANTIL 3 (Martín López -2- e Yago Fernández) - RACING DE FERROL 2
Categoría alevín
Primera Futgal A Coruña, 10ª xornada: ALEVÍN A 11 (Adrián Míguez -3-, Adrián Liñares -2-, Adrián Prieto -2-, Diego Castelo -2-, Enzo Fernández e Antón Fernández) - UD JUVENIL ALMEIRAS 0
Primera Futgal A Coruña, 10ª xornada: FABRIL FC ALEVÍN 0 - VICTORIA CF 1
Categoría benxamín
Primera Futgal A Coruña, 10ª xornada (xoves 27): BENXAMÍN A 14 (Hugo Cancela -3-, Pablo Campanero -3-, Mateo Ramos -3-, Nico Mariño -2-, Fabio Álvarez -2- e Tomás Sánchez) - UD CARRAL 0
Primera Futgal A Coruña, 10ª xornada: FABRIL FC BENXAMÍN 4 (Álex Martínez -2-, Izan Mallón e Juan Crujeiras) - VICTORIA CF 3
