Un único partido xogouse este domingo 8 de febreiro en ANOSACANTEIRA feminina.
O Orzán SD Sub-21 (na foto da noticia), instalado na zona media da Tercera Federación, caeu en Santiago co Victoria FC (2-1), un rival directo.
Con este resultado, as orzanistas quedan con 20 puntos na 7ª posición.
Este sábado 7 de febreiro disputouse o groso da xornada.
O Deportivo ABANCA B venceu por 1-0 no Dépor Training Center ao Real Racing Club.
Decidiu o encontro un gol no minuto 80 de Karla Bermejo, dianteira cedida polo Racing Power portugués e que xa debutou o pasado domingo en Zubieta ante a Real Sociedad B.
Ademais, Antía Veiga, titular ante as cántabras, foi citada de novo para uns adestramentos coa selección española sub-17 do luns 9 ao mércores 11 de febreiro.
Completou a xornada o triunfo do Orzán SD Cadete fronte ao Silva SD (1-3) e os das infantís: o A ante o Sporting Burgo (11-0) e o B fronte ao UD Cerqueda (1-0).
Finalmente, o empate (1-1) entre o Orzán SD Xuvenil e o Sárdoma CF B, este venres 6 de febreiro no Dépor Training Center, abriu o calendario de partidos en ANOSACANTEIRA feminina.
Adiantáronse as viguesas aos 36 minutos de partido pero igualou Daniela Barbanzán no minuto 46.
Os resultados da fin de semana foron os seguintes:
Segunda Federación
17ª xornada: DEPORTIVO ABANCA B 1 (Karla Bermejo) - REAL RACING CLUB 0
Terceira Federación
16ª xornada: VICTORIA FC 2 - ORZÁN SD SUB-21 1 (Claudia Sande)
Primeira Autonómica
17ª xornada: ORZÁN SD XUVENIL 1 (Daniela Barbanzán) - SÁRDOMA CF B 1
Liga Galega cadete
15ª xornada: SILVA SD 1 - ORZÁN SD CADETE 3 (Martina Vázquez, Lola Freire e Carmen Folgar)
Liga Galega infantil
Grupo 1º, 15ª xornada: ORZÁN SD INFANTIL A 11 (María López-Perales -5-, Daniela Arrojo -2-, Lorena Anastase, Inés Neira, Ana Moreda e Mencía Queijas) - SPORTING BURGO 0
Grupo 2º, 15ª xornada: ORZÁN SD INFANTIL B 1 (Carla García) - UD CERQUEDA 0
