Nova semana de pretemporada para ANOSACANTEIRA con dobre cita para o Fabril, torneo en Santiago para o Xuvenil A e primeiro amigable para o Xuvenil B.
O Xuvenil A participou no Torneo Unindo Camiños que se xogou durante a fin de semana en Santa Isabel (Santiago de Compostela).
Os rivais na Primera Fase dos branquiazuis, en partidos de 25 minutos de duración, foron o Pontevedra CF, Atlético de Madrid, SD Compostela e Arosa SC.
Os deportivistas acabaron en primeira posición e xogaron a semifinal este domingo 10 de agosto ante a UD Las Palmas.
A pesar de adiantarse no marcador con gol de Daniel aos 2 minutos, os canarios déronlle a volta (1-2) e apearon ao Xuvenil A, que quedou pois sen final.
Onte sábado pola mañá, o Fabril enfrontouse no campo de O Viso en Arzúa á SD Compostela.
Foron baixa os lesionados Aarón, Garrido e Manu Ferreiro; ademais de Damián e Samu, que están en dinámica do primeiro equipo.
Fabril, primeira parte: Álex, Pablo, Vilela, Malick, Íker Vidal, Kike Fernández, Dani Estévez, Dipanda, Héctor, Bil e Nájera
Fabril, segunda parte: Brais Suárez, Pablo García (Quique Teijo, min. 60), Mario, Adrián, Parada (Hugo Torres, min. 70), Carreira, Hugo Villaverde, Luisao, Mane (Domínguez, min. 70), Rubén e Fabi
Venceron os fabrilistas por 0-2, con goles de Bil e Luisao.
Foi o segundo partido desta semana para os de Manuel Pablo, que o pasado mércores 6 medíronse ao Racing de Ferrol en Narón.
Ambos os equipos repartíronse un tempo.
Foi mellor o Fabril na primeira metade, que acabou con triunfo provisional branquiazul por 0-2 con tantos de Nájera e Malick.
Após o descanso, reaccionou o Racing de Ferrol e impuxo a súa pegada para levar o partido por 3-2.
Finalmente o Xuvenil B, que arrincou a pretemporada o pasado venres 1 de agosto, xogou o seu primeiro amigable en Muxía ante o conxunto local sénior que milita en Primera Autonómica.
Venceron os branquiazuis por 2-3 con goles de Roi, Ander e Nico Giovanni.
Os resultados dos amigables foron os seguintes:
Segunda Federación
RACING DE FERROL 3 - FABRIL 2 (Nájera e Malick)
SD COMPOSTELA 0 - FABRIL 2 (Bil e Luisao)
Categoría xuvenil
Torneo Unindo Camiños, en Santa Isabel (Santiago)
Primera Fase
Sábado 9 de agosto
XUVENIL A 0 - PONTEVEDRA CF 0
ATLÉTICO DE MADRID 0 - XUVENIL A 1 (Lucas Regueiro)
SD COMPOSTELA 0 - XUVENIL A 0
XUVENIL A 1 (Miguel de Labra) - AROSA SC 0
Domingo 10 de agosto
Semifinais
XUVENIL A 1 (Daniel) - UD LAS PALMAS 2
SD MUXÍA (Primera Autonómica) 2 - XUVENIL B 3 (Roi, Ander e Nico Giovanni)
