A participación do Xuvenil A en a Sinde's Cup de Narón, co Racing de Ferrol como primeiro rival; e do Cadete na MS2 Cup de Vigo pechan mañá domingo outra semana de amigables en #ANOSACANTEIRA.
Outro tres equipos tiveron cita de pretemporada hoxe sábado.
O Fabril visitou ao CD As Pontes en O Poboado. Óscar Gilsanz puido dispor de todo o seu cadro, incluídos Yeremay, Jairo e Dani Barcia, habituais nos adestramentos do primeiro equipo. A única baixa por lesión foi a de Mella. Así pois, o técnico fabrilista dispuxo dun once en cada tempo nun partido de clara cor branquiazul ante un rival de Preferente Autonómica: 0-5.
O pasado mércores, o filial masculino disputou no campo da Ribela de Sarria o Memorial Carlos Alberto Díaz. O torneo desenvolveuse baixo o formato tres en un, con dous partidos de 45 minutos ante a SD Sarriana, de Preferente Autonómica, e o Polvorín FC, de Segunda RFEF. Os fabrilistas venceron á Sarriana (0-3) pero caeron (0-1) ante o Polvorín FC.
Ademais estreáronse nesta pretemporada esta mañá o Infantil ante o Bertamiráns FC de categoría cadete (0-0 no campo 7 de Abegondo) e o San Tirso SD infantil fronte ao Imperator OAR A (6-0 en O Monte).
O Xuvenil B competiu o pasado venres 19 de agosto na MS2 Cup de Vigo no inicio dunha nova fin de semana de pretemporada en #ANOSACANTEIRA. Pabellón Ourense CF, Rápido de Bouzas e UD Santa Mariña foron os rivais dos branquiazuis na Primeira Fase, apeados da final polo RC Celta na quenda de penaltis da semifinal: 5-6. Ao final do tempo regulamentario chegouse con empate a un gol.
Foi precisamente o Xuvenil B o encargado de abrir o martes o calendario de amigables desta semana.
O conxunto que prepara Miguel Figueira visitou ao Bergantiños CF na súa terceira cita do verán após as vitorias anteriores ante o CD Calasanz (6-2) e SD Valdoviño, de Primeira Autonómica (0-2). Os branquiazuis foron superiores (1-4) grazas aos goles de Mesfin -2-, Adrián e Rubén. E iso que o 'Bergan' púxose pronto por diante no marcador.
Finalmente o mércores, o Deportivo ABANCA B superou (2-0) ao Viaxes InterRías FF dunha categoría superior, Segunda Federación, no campo 5 de Abegondo. Decidiu o choque un dobrete de Laura Otero, pichichi do equipo no que vai de verán posto que ante o Umia CF (0-1) tamén decantou o choque co seu gol.
O calendario de partidos xa confirmados, sempre susceptible de sufrir variación, cos resultados dos xa xogados, é o seguinte:
Terceira RFEF
Memorial Carlos Alberto Díaz na Ribela (Sarria)
Tres nun
SD SARRINA 0 - FABRIL 3 (Iván, Yeremay e Nájera)
FABRIL 0 - POLVORÍN FC 1
CD AS PONTES 0 - FABRIL 5 (Iván -2-, Jairo, Nájera e Alex Pereira)
Categoría feminina
DEPORTIVO ABANCA B 2 (Laura Otero -2-) - VIAXES INTERRÍAS FF 0
Categoría xuvenil
Sinde's Cup, Memorial José Antonio López Doce 'Tonecho' no campo de Sinde (Narón)
Domingo 21 de agosto
Semifinal
10:30: RACING DE FERROL - XUVENIL A
Ás 17:30 será a final de consolación entre o perdedor e o derrotado da outra semifinal que disputan CD Lugo e RC Celta; e ás 19:00 a gran final entre os gañadores das semifinais
BERGANTIÑOS CF 1 - XUVENIL B 4 (Mesfin -2-, Adrián e Rubén)
Torneo MS2 Cup, en Vigo
Venres 19 de agosto
Primeira Fase
XUVENIL B 0 - PABELLÓN OURENSE CF 2
XUVENIL B 2 (José Rei e Rubén) - RÁPIDO DE BOUZAS 0
XUVENIL B 2 (Noé e Adrián) - UD SANTA MARIÑA 2
Semifinal
XUVENIL B 1 (Juan Barros) - RC CELTA 1. A penaltis: 5-6
Categoría cadete
Torneo MS2 Cup, en Vigo
Domingo 21 de agosto
Primeira Fase
12:00: CADETE - CD NARÓN, na Madroa
13:40: CADETE - CORUXO FC, na Madroa
Segundo clasificación, os equipos pasarán logo á Fase Final
Categoría infantil
INFANTIL 0 - BERTAMIRÁNS FC (cadete) 0
SAN TIRSO SD 6 (Íker Obeso -2-, Raúl Lema, Daniel Fructuoso, José Quiroga e Álex Martinez) - IMPERATOR OAR A 0
