Frenética actividade en ANOSACANTEIRA con avalancha de partidos amigables esta fin de semana, no seu maior parte hoxe sábado.
Mañá domingo 18 de agosto unicamente ten compromiso o Xuvenil A, coa Sinde's Cup en Narón. O Racing de Ferrol será o rival dos de Manuel Pablo en semifinais (10:30).
Hoxe sábado xogaron o resto de equipos.
Así, o Fabril venceu (1-0) en Abegondo ao CD Arenteiro de Primera Federación cun gol de Kevin Sánchez, o internacional branquiazul que realizou toda a pretemporada ás ordes de Imanol Idiakez.
Os fabrilistas incorporaron a dous internacionais cameruneses sub-20, un central (Fadil) e un dianteiro (Bil), con experiencia na máxima categoría do seu país.
Esta tarde, un Dépor ABANCA B con moitas futbolistas xuvenís e cadetes nas súas filas, perdeu (4-1) co rival do primeiro equipo feminino deportivista na Copa de la Reina, o Atlético Villalonga FF de Segunda Federación.
A próxima semana, concretamente o martes 20 de agosto ás 18:30, o Dépor ABANCA B enfrontarase en Mareo ao Sporting de Gijón nun novo amigable.
Finalmente tamén hoxe o Xuvenil B foi subcampión do Memorial Abel e Álex en Chantada; o Cadete acabou terceiro no Memorial Jacobo Díaz en Monforte; e o San Tirso SD Cadete (na foto da noticia) perdeu (2-1) en Cospeito co Racing Villalbés de categoría xuvenil.
Esta semana 4 novos equipos engadíronse aos adestramentos: Infantil e San Tirso SD Infantil, ambos na División de Honra; Orzán SD sub-21 Femenino; e Orzán SD Xuvenil Femenino.
O intenso calendario abrírono o pasado mércores dous partidos:
-Pola mañá, o Xuvenil B venceu (2-1) ao CD Conxo Santiago.
-E pola tarde, o Cadete de División de Honra saldou con triunfo (5-1) o seu primeiro amigable do verán ante o CD Calasanz.
O calendario de partidos, cos resultados dos xa xogados, é o seguinte:
Categoría feminina
ATLÉTICO VILLALONGA FF 4 - DEPORTIVO ABANCA B 1 (Candela Fernández)
Segunda Federación
Trofeo San Roque, onte xoves: BETANZOS CF 1 - FABRIL 0
FABRIL 1 (Kevin Sánchez) - CD ARENTEIRO 0
Categoría xuvenil
Sinde's Cup no campo de Sinde (Narón)
Domingo 18 de agosto
Semifinal
10:30: XUVENIL A - RACING DE FERROL
O perdedor xogará o terceiro e cuarto posto ás 17:30 e o gañador a final ás 19:00
Mércores 14: XUVENIL B 2 (Miguel de Labra e Ander) - CD CONXO SANTIAGO 1
I Memorial Abel e Álex no campo de Sangoñedo (Chantada)
Sábado 17 de agosto
Semifinal
XUVENIL B 6 (Lucas (2), Diego López (2), Ander e Mosquera) - CD LUGO 1
Final
XUVENIL B 2 (Miguel de Labra e Pablo Campo) - RC CELTA B 2. A penaltis: 3-4
Categoría cadete
Mércores 14: CADETE 5 (Gael -2- Nico, Roi e Héctor) - CD CALASANZ (xuvenil) 1
Memorial Jacobo Díaz na Pingüela (Monforte)
Sábado 17 de agosto
Semifinal
CP CALASANCIO (xuvenil) 1 - CADETE 0
Terceiro e cuarto posto
CADETE 3 (Sergio Cortizo, Casuso e Nico) - CD CALASANZ (xuvenil) 1
RACING VILLALBÉS (xuvenil) 2 - SAN TIRSO SD CADETE 1 (Gio)
