O encontro entre o Deportivo ABANCA B, líder da Tercera Federación, ante o Sárdoma CF, 4º clasificado, este domingo ás 12:00 no campo 5 de Abegondo é o encontro máis destacado en ANOSACANTEIRA feminina.
Ademais do filial, o Orzán SD Sub-21 visita ao Domaio FC (16:00) e o Orzán SD Infantil ao Santa Cruz CF (10:00 nos Regos).
No conxunto de Primera Autonómica, Claudia Sande participará nuns adestramentos coa selección española sub-15 do luns 3 ao mércores 5 de febreiro en Las Rozas (Madrid).
Completa a xornada dominical o partido entre o Orzán SD Xuvenil e o Cultural Maniños de Segunda Autonómica ás 18:00 no campo 2 da Torre.
Hoxe sábado, o Orzán SD Cadete e o Orzán SD Infantil B impuxéronse aos seus respectivos equipos do Silva SD (3-0 e 1-3 respectivamente).
O calendario de partidos, cos resultados dos xa xogados, é o seguinte:
Tercera Federación FutFem
18ª xornada: DEPORTIVO ABANCA B - SÁRDOMA CF, mañá domingo 2 de febreiro ás 12:00 en Abegondo (campo 5)
Primera Autonómica
18ª xornada: DOMAIO FC - ORZÁN SD SUB-21, mañá domingo 2 de febreiro ás 16:00 no campo da Granxa (Domaio)
Segunda Autonómica
18ª xornada: ORZÁN SD XUVENIL - CULTURAL MANIÑOS, mañá domingo 2 de febreiro ás 18:00 na Torre (campo 2)
Liga Galega cadete
14ª xornada: ORZÁN SD CADETE 3 (Antía Losada, Lucía Gómez e Carla Álvarez) - SILVA SD 0
Liga Galega infantil
14ª xornada: SANTA CRUZ CF - ORZÁN SD INFANTIL A, mañá domingo 2 de febreiro ás 10:00 no campo Leonardo Maceiras de Os Regos (Oleiros)
14ª xornada: SILVA SD 1 - ORZÁN SD INFANTIL B 3 (Sasha Abigail e Bianca Ventureira -2-)
