O Mundo Deportivo
O Deportivo da Coruña está a valorar seriamente a posibilidade de fichar a Juan Román Riquelme, a estrela de Boca Juniors ao que o FC Barcelona parece descartar. Augusto César Lendoiro está a sopesar a importante operación económica en base a incluír na operación a Lionel Scaloni ou ao 'Turu' Flores, xogador polo que suspira o técnico de Boca, Carlos Bianchi, e que estaba a un paso de asinar por River Plate.
O Ideal Galego
O interior esquerdo do Racing José Emilio Amavisca atópase máis preto da escuadra coruñesa. A renovación de Luís Enrique (principal obxectivo do club branquiazul) co Barcelona, coloca ao xogador de Laredo nun lugar privilexiado dentro da axenda deportivista, di este diario. Ademais di o Ideal que Espanyol e Deportivo xa mantiveron contactos sobre a situación de Sergio, un futbolista que é moi do agrado de Javier Irureta e cuxo nome soa con forza na Coruña desde hai meses. Na Cidade Condal dan por feito que o medio non seguirá ás ordes de Paco Flores. A situación económica do Espanyol non é nin moito menos boa e urxe ingresar diñeiro canto antes. Por iso é polo que o presidente da entidade, Daniel Sánchez Llibre, estea disposto a reducir a cláusula de rescisión de Sergio, fixada en catro mil millóns de pesetas, a algo máis de mil.
En canto ás televisións, di este rotativo que a liga de fútbol española sufriu unha fochanca en canto a audiencia televisiva. Segundo informan desde sectores da televisión, a liga de fútbol sufriu esta tempada un baixón de audiencia no que ás retransmisións de partidos refírese ofrecidos ?en aberto? polas televisións públicas e autonómicas.
AS
Amavisca asinará hoxe por tres anos
José Emilio Amavisca será novo xogador do Deportivo. O futbolista asinará hoxe contrato para o tres próximas tempadas co club coruñés e converterase no terceiro reforzo.
Libredirecto
O Comité Executivo da FIFA aprobou na súa reunión de Buenos Aires un novo sistema de traspasos. A partir do 1 de setembro entrará en vigor, aínda que se respectarán os contratos actuais, unha fórmula segundo a cal os xogadores maiores de 23 anos poderán romper unilateralmente os seus compromisos cos clubs.
Amavisca é o elixido polo Deportivo. José Emilio Amavisca, xogador do Racing de Santander, está preto de converterse en xogador do Deportivo da Coruña. O internacional será un das fichaxes máis importantes da presente tempada do subcampión.
A Opinión
Javier Irureta, un admirador confeso de Zinedine Zidane, visitara a Saba Santa nas horas previas ao encontro de Delle Alpi. Resulta imposible determinar se o preparador vasco, un home de fe, tivo unha inspiración divina: só sabemos que aquela noite do 26 de setembro de 2000, o técnico sorprendeu a todos os deportivistas coa súa aliñación.
En canto ao congreso de penas, A pesar de que non é o lugar onde senten máis cómodos, os Riazor Blues deixarán de lado por un par de días as súas crenzas e moveranse polos círculos de poder para defender unha boa causa: o Congreso de Penas de 2001. Os seareiros da bancada de Xeneral son os encargados da faceta organizativa desta cita, que teñen previsto celebrar nunha data sen determinar entre os meses de setembro, outubro e novembro, coincidindo con algún encontro do Deportivo en Riazor. A magnitude dos festexos nos que están a pensar os membros da pena fai imprescindible a colaboración institucional, principalmente por parte do Concello da Coruña e do Deportivo. Por iso, os próximos días dez e once, varios representantes da agrupación branquiazul acudirán ao Palacio de María Pita, onde conversarán con membros do Goberno Municipal, nunhas reunións ás que tamén asistirá algún directivo deportivista, previsiblemente Pachi Dopico.
O culebrón de verán que protagonizan o Turu Flores, o Dépor e o Sporting de Lisboa está por chegar ao seu fin. Os protagonistas xa botaron as súas cartas e os indicios indican que ninguén dará un paso atrás. Neste momento, o arxentino está disposto a regresar á Coruña aínda que sabe que non terá lugar no cadro de persoal mentres Javier Irureta sexa o adestrador.
La Voz de Galicia
O Deportivo será o último equipo de Mauro Silva
Así o deu a entender o xogador nunha entrevista en Brasil
A dez mil quilómetros de distancia, Mauro Silva continúa dando leccións de deportivismo. Nunha entrevista concedida ao programa Bóla dá Vez, da cadea radiofónica ESPN Brasil que será emitida mañá, o mediocentro brasileiro confesou que «xamais vestiría outra camiseta que non fose a do Deportivo da Coruña».
Marca
Di Marca que o Depor pecha a fichaxe de Amavisca por 500 millóns e que o cántabro fichará por tres tempadas para reforzar a demarcación de interior zurdo. O diario lembra que só falta un central para pechar o persoal.
