La Voz de Galicia
Di A Voz que as lesións condicionan o once do Depor ante a Juve xa que Mauro e Fran caen da lista e Manuel Pablo é dúbida. O temporal no Piamonte, que ameaza a viaxe da Juventus, o adestramento dos italianos en Riazor hoxe ao sete, a substitución de Zidane por De o Piero, o dúo atacante de Inzaghi e Kovacevic, a espera tranquila de Tristán a que chegue unha boa serie, a acreditación de máis de 150 xornalistas estranxeiros, as ganas de Pandiani de xogar mañá, a loita de Donato e Hélder por un posto ou as ganas de vitoria de Emerson así como o aumento de socios, que xa son 25407 ou o bo ritmo de venda de entradas completan a actualidade da xornada.
Deporte Campión
Di o diario que Fran será intervido hoxe na Santa Teresa, que o Bayern de Munich ofreceu a Scholl ao Deportivo, que podería ocupar a ficha de Jokanovic, as molestias de Mauro, que ve difícil xogar, e as de Manuel Pablo, que espera que se lle pase a dor, os posibles substitutos a estes xogadores, a opinión de Djalminha, que saberá se está a lume de biqueira cando xogue os 90 minutos ou as ganas de xogar de Pandiani , as opcións de Fernando, a reunión do técnico co persoal para analizar os erros ante o Madrid e a esperanza de Makaay de reaparecer moi pronto completan as novidades da xornada.
Marca
O Dépor pode facer historia ante a Juventus, di o diario, que asegura que Lendoiro, Irureta e os xogadores están convencidos de que, vencendo mañá, pasarán de rolda. O posible regreso de Pandiani ao once, as baixas de Fran e Mauro, o enfado de Irureta con Djalminha e a crenza do técnico de que en Madrid faltou agresividade, a estrea Djalminha-Pandiani, as opcións de Fernando de ocupar a banda esquerda e a substitución de Mauro por Emerson son as noticias do día no diario.
Faro de Vigo
"O DEPORTIVO perde a Fran e a Mauro Silva para o choque ante o Juventus"
O Correo Galego
"IRURETA non poderá contar con Fran nin con Mauro Silva para o partido coa Juve"
