La Voz de Galicia
"Supercopa: o Dépor, tras gañar o Teresa Herrera, xa pensa no Español", destacando, como varios medios viñeron facendo estes días, a compenetración existente na banda dereita entre Manuel Pablo e Víctor. "Con Manuel Pablo estou moi compenetrado" alardea Víctor, mentres que o canario responde "con Víctor é moi fácil xogar". Ademais recolle as palabras de Irureta "gustoume moito o traballo na banda dereita, onde penetraron e desdobráronse moi ben. Fué unha das cousas que mellor funcionou no equipo". Exponse o rotativo quen pode ser o substituto, indicando que Scaloni pode substituír a un ou outro, aínda que a súa posición natural sexa a de lateral. Duscher só actuou ata agora como centrocampista, Makaay non debese abandonar o seu posto para colocarse na posición de Víctor e Fernando é o substituto de Fran. Conclúe por tanto o diario que Víctor non ten un homologo na lista de xogadores dispoñibles.
Destaca tamén as declaracións de Hélder, moi seguro no partido contra o Lazio, "Sinto moi a gusto no equipo.", "Gustaríame continuar no Newcastle, sempre que non contasen comigo no Deportivo.", "Quero volver gañar títulos e, sobre todo, volver formar parte da selección da miña pais". "Na Coruña teño o apoio da afección, nunca deixaron de apoiarme".
Entrando de cheo na Supercopa, o rotativo destaca as diferenzas do Espanyol da pasada tempada con respecto á actual. O cambio de porteiro, Cavallero marchouse ao Celta e veu Moura no seu lugar, a recuperación dalgúns xogadores cedidos, Nan Rivera, Morais, Argenso e Aganxo, asi como a fichaxe de Óscar, irmán de Roger, que xogaba na Valencia a pasada campaña.
Deporte Campión
"Sobran 7", titula o diario, indicando que o corpo técnico e a directiva teñen cinco días para decidor que xogadores "sobran" dos 33 actuais. O Campión realiza a súa quiniela indicando os seus candidatos Kouba, Ramis, Iván, Pandiani, Jokanovic, Jaime, Bassir e Changui.
Recolle tamén as declaracións de Irureta "Gustoume como xogou o equipo na primeira parte. Tivemos moito a iniciativa e o balón. Fáltanos ter un grao de eficacia maior na definición".
Fala tamén o rotativo sobre o "gafe" do Teresa Herrera, recollendo declaracións de Lendoiro e Irureta. "Hai que gañalo todo, eu non creo no gafe do Teresa Herrera, cando gañamos o torneo tamén alcanzabamos resultados", dixo o presidente, mentres que o irundarra é tallante "é unha teima falar de gafe, pero espero que aínda así non se cumpra".
Destaca tamén o Campión "Mocidade para o Depor", aludindo que 13 dos xogadores son menores de 26 anos, e que o convenio entre Concello e Deportivo só falta levalo a pleno.
Marca
Destaca o recorte de persoal, que estima en 8 xogadores, que se decidirán esta semana, que a Supercopa é agora o obxectivo, que o futuro de Kouba depende do xuíz, en alusión a posibilidade de que o guardamete checo poida ser considerado como comunitario en virtude da sentenza Mills. Indica o diario que no caso de que o fallo fose positivo, o Deportivo ampliaríalle o contrato e cederíao, mentres que se fose negativo traspasaríao.
Tamén se recolle que Naybet reuniuse o venres con Lendoiro para tratar algúns asuntos e temas persoais e para interceder polo seu compatriota Bassir, que o Deportivo perde diñeiro co Teresa Herrera, estímase que uns 80 millóns, que Tristán espera que non se repita a mala sorte que tivo no partido contra o Lazio, e que Pandiani leva a metade dos goles do Deportivo, e que para quedar hai que "traballar, loitar ao maximo e rezar un pouquiño", segundo palabras do propio Pandiani.
O ideal Galego
Tamén o Ideal faise eco da redución de persoal que debe realizar o Deportivo durante esta semana, da falta de acerto da dianteira deportivista no partido ante o Lazio, e do gafe do Teresa Herrera, indicando que tanto o presidente como o adestrador non cren nel.
"O Fabril ofrece dúas caras diferentes", destaca o diario, refiriendose á boa actuación a semana pasada fronte ao Compostela e a derrota de onte fronte ao Cerceda que deixa ao equipo fóra da Copa Diputacion.
_________
Se les en internet algunha noticia relacionada co Deportivo, non dubides en enviarnos a dirección á nosa redacción: redaccion@canaldeportivo.com
__________
NOTA: A elaboración dun resumo de prensa por parte da redacción de canaldeportivo.com non implica que o Real Club Deportivo da Coruña, S.A.D. estea de acordo ou en desacordo coas noticias que nel aparecen, e non é o responsable dos contidos e opinións que se inclúan nas páxinas que o compoñen.
