La Voz de Galicia
"Fin da Seca" titula A Voz dicindo que "O Deportivo rompe a súa mala serie fóra de casa ao vencer en Sevilla". A cobertura do encontro resúmese nos distintos titulares das páxinas dedicadas ao Deportivo: "O Deportivo rompe en Sevilla o seu gafe a domicilio e segue líder. Jokanovic, por partida dobre, e Makaay certificaron o triunfo branquiazul". "O Depor foi superior en moitas facetas do xogo. O partido estivo parado 46 minutos dos 96" onde destacan as 22 infraccións sinaladas polo árbitro ao Sevilla e as 21 do Deportivo. Para este diario o mellor foi Jokanovic. "Funesta actuación de Mejuto González" e "Intercambio de bandeiras entre Biris e Riazor Blues" así como "Irureta cre que se podo sentenciar antes. Un seareiro entrou na sala de prensa e interrompeulle" sinalando que o afeccionado manifestou "séguennos roubando os árbitros. Viva o Deportivo pero estanse cachondeando da afección que inventou o xogador número doce" son os outros titulares que conclúen cunha análise táctica "O técnico experimentou con Schürrer de falso lateral. Irureta prescindiu dos zurdos Manel e Fernando" onde se recolle que, como anécdota, Jokanovic xa marcara ante Olsen cando este era porteiro do Stabaek; e que Naybet volveu ao centro da zaga tras superar as súas molestias no talón.
O diario tamén recolle a "Batalla campal no Pizjuán. Afeccionados e policía enfrontáronse ao concluír o partido. Trece persoas resultaron feridas por lanzamento de obxectos" onde se sinala que os afeccionados que esperaban ao árbitro para increpalo sufriron os lanzamentos de pelotas de goma por parte de antidisturbios. Houbo feridos pero o Deportivo saíu sen problemas entre algún que outro berro. "Agredido un xornalista e queimada unha unidade móbil" onde se sinala que a Cadea Cope sufriu nas súas carnes a violencia dos afeccionados que achacan á emisora a súa delicada situación.
DXT Campión
O DXT abre a portada con Aleluia!!! facendo referencia ao tres meses de seca fóra de casa. "Deportivistas ao bordo dun ataque de nervios. A afección herculina sufriu para ver o triunfo do Depor a pesar dos goles temperáns de Jokanovic" onde destacan "algunhas accións de Songo'ou puxeron dos nervios aos afeccionados branquiazuis" e "o linier sinalou varios foses de xogo inexistentes a Makaay cando podía encarar ao porteiro rival" e "o árbitro non axudou ao Deportivo". O Campión sinala a Jokanovic como o mellor do encontro. En canto ás declaracións de Irureta destacan "seguimos aspirando ao título mentres outros perden corda. Barcelona e Zaragoza serán os rivais. Se foi gol válido, o Sevilla tivo mala sorte. O técnico cre que calquera equipo puido gañar" para Álvarez "O Depor sorprendeunos e exhó por terra o previsto. Os meus homes matáronse por remontar...a xogada do segundo gol anulado foi determinante e o linier desautorizou ao árbitro". Quevedo insinúa que poden retirarse do campionato. O sevillista deixa a porta aberta a que lles substitúan os xuvenís. Mentres Songo'ou di "o árbitro pitou moi ben este partido" e Otero cre que "o partido o gañou o colexiado". Donato cre claves os dous primeiros goles.
En canto aos disturbios o Campión di que houbo "violentos disturbios ao final do partido. A policía cargou contra os afeccionados dentro e fóra do estadio. Os antidisturbios tiveron que empregarse a fondo nos arredores do estadio, onde se produciron numerosas pelexas. A policía empregou pelotas de goma e varias persoas resultaron feridas" e destacan que "Mejuto tardou máis dunha hora e media en saír".
Joan Garpart, vicepresidente do Barça tivo declaracións para a actuación arbitral de Sevilla e pediu explicacións a Lendoiro "Que pasou en Sevilla? Que me conteste, aínda que non o faga hoxe".
O Ideal Galego
"O Depor volve gañar a domicilio" é o titular do Ideal que destaca que a fortuna e un erro de Mejuto facilitaron o triunfo. En canto ás declaracións dos técnicos, o xornal sinala que "Javier Irureta destaca que a xornada foi positiva para o conxunto coruñés" mentres que Álvarez "asegura que nunca vivira unha persecución arbitral como a deste ano".
Tamén recolle o xornal que Joan Garpart pregunta a Lendoiro "Que pasou en Sevilla?".
Tamén se fai eco dos tristes incidentes tras o encontro "A policía tivo que cargar fose do estadio contra a afección sevillista".
__________
Se les en internet algunha noticia relacionada co Deportivo, non dubides en enviarnos a dirección á nosa redacción: redaccion@canaldeportivo.com
__________
NOTA: A elaboración dun resumo de prensa por parte da redacción de canaldeportivo.com non implica que o Real Club Deportivo da Coruña, S.A.D. estea de acordo ou en desacordo coas noticias que nel aparecen, e non é o responsable dos contidos e opinións que se inclúan nas páxinas que o compoñen.
