Riazor.Org destaca que máis da metade dos clubs de Primeira teñen patrocinadores públicos
A web deportivista Riazor.Org destaca nunha das súas noticias que más da metade dos clubs de Primeira División contan con patrocinadores públicos ou canles autonómicos de propiedade dos diferentes gobernos rexionais.
En Galicia, a edición do pasado xoves do xornal vigués Faro de Vigo, na súa sección de Deportes, asegura que a Directora Comercial do Real Club Celta, Marián Mouriño, mantén negociacións coa Xunta de Galicia para que o equipo céltico luza a publicidade de Xacobeo nalgún lugar da camiseta, no que xa está ademais como spónsor principal Citröen, ou ben no pantalón.
Hai unhas semanas, Augusto César Lendoiro, Presidente do Deportivo, manifestou tras unha comida cos medios informativos que se ía a dirixir á Xunta de Galicia para solicitar o patrocinio do Xacobeo na camiseta branquiazul. Esta declaración de principios do dirixente deportivista provocou a rápida reacción do Vicepresidente da Xunta, Anxo Quintana:
"Contra a vicio de pedir está a virtude de non dar", sinalou o dirixente do Bloque Nacionalista Galego ás poucas horas.
O Presidente deportivista acaba de enviar unha carta ao Conselleiro de Industria da Xunta de Galicia na que solicita unha reunión para falar sobre o tema en cuestión. De momento non houbo contestación.
