Roberto Canella, novo xogador do Deportivo

Tras o acordo ao que chegaron o Sporting de Xixón e o Dépor onte ao mediodía, o futbolista desprazouse á Coruña para completar entre onte e esta mañá os pertinentes recoñecementos médicos. Unha vez superados sen ningún tipo de problema, o xogador pasouse pola sede do Club acompañado polo seu representante e polo seu pai para asinar, en presenza do presidente Tino Fernández e do Conselleiro Deportivo, Fernando Vidal, o contrato que o vincula ao conxunto branquiazul.

 

Roberto Canella incorpórase por unha tempada, en calidade de cedido polo Sporting de Xixón e sen dereito a compra por parte do Dépor, que reforza deste xeito o seu lateral esquerdo.