Uns rondos e unha serie de xogos de habilidade conformaron un divertido adestramento desta mañá no campo 3 de Abegondo.
Todo o cadro, cos canteiráns Rubén López e Martín Ochoa, estivo sobre o céspede salvo Hugo Rama, con traballo personalizado estes días.
Un dos capitáns, Diego Villares, afirmou na sala de prensa após recoller o Premio Estrella Galicia ao mellor xogador do mes de abril que esta semana "a estamos levando como unha máis".
Admite que o partido ante o FC Barcelona Atlètic deste domingo 12 de maio ás 19:00 horas en ABANCA-RIAZOR (TVG e FEF TV) "pode ser un partido decisivo pero un como outro calquera. Vivimos moitas semanas destas, entón hai que levalo da mellor maneira posible".
Samara Ortiz, que tamén se pasou pola sala de prensa, após lograr o ascenso co Dépor ABANCA á liga F pídelles aos xogadores do primeiro equipo masculino que "estean tranquilos. Van ter o apoio de #ANOSAFORZA, de todas nós, que vaian a por todas e que o gocen".
Mañá venres Os Nosos adestraranse de novo a partir das 11:00, con almorzo previo na instalación a partir das 8:30.
