Samuel Fernández Leonardo (Narón, 17 de marzo de 2007) foi convocado pola selección española sub-19 para dous partidos amigables ante Noruega en Benidorm.
O central fabrilista súmase así ás citacións de Michi Apóstol (Venezuela), Lucía Rivas e Paula Redruello (España sub-19), Mauro Valeiro (España sub-17), Antía Veiga (España sub-17) e Raúl Lema (España sub-16).
Samu incorporarase á concentración do equipo nacional o vindeiro luns 16 de febreiro.
O calendario de partidos de España sub-19 é o seguinte:
Martes 17 de febreiro
15:00: ESPAÑA - NORUEGA, no Estadio Guillermo Amor de Benidorm
Xoves 19 de febreiro
11:00: ESPAÑA - NORUEGA, no Estadio Guillermo Amor de Benidorm
Samu debutou coa selección española sub-19 o pasado mes de decembro con motivo da SBS International Cup, torneo no que foi campión.
Co Deportivo estreouse en partido oficial o pasado xoves 4 de decembro na Nova Creu Alta ante o CE Sabadell FC.
Esta temporada, o defensor naronés suma 13 partidos co Fabril en Segunda Federación, todos eles de titular.
