Samu Fernández está concentrado coa selección española sub-19 con motivo de dous partidos amigables ante Noruega no Estadio Guillermo Amor de Benidorm.
Estas dúas citas internacionais servirán para preparar a Rolda Elite do próximo mes de marzo.
O primeiro dos dous encontros xogouse este martes 17 de febreiro, finalizado con goleada española por 4-1.
Samu Fernández seguiu o choque desde o banco e non chegou a saltar ao terreo de xogo.
O segundo partido será este xoves 19 de febreiro ás 12:00, retransmitido nas canles oficiais da Real Federación Española de Fútbol.
O calendario de partidos de España sub-19, cos resultados dos xa xogados, é o seguinte:
Martes 17 de febreiro
ESPAÑA 4 - NORUEGA 1
Xoves 19 de febreiro
12:00: ESPAÑA - NORUEGA, no Estadio Guillermo Amor de Benidorm
Samu debutou coa selección española sub-19 o pasado mes de decembro con motivo da SBS International Cup, torneo no que foi campión.
Co Deportivo estreouse en partido oficial o pasado xoves 4 de decembro de 2025 na Nova Creu Alta ante a CE Sabadell FC.
Esta temporada, o defensor naronés suma 14 partidos co Fabril en Segunda Federación, todos eles de titular.
