Scaloni: Temos que traballar con humildade, sacrificio e unidade

-En Mallorca, un gol e basta.
-Gañamos cun tanto de estratexia. Estivemos moi ordenados, tendo en conta que tivemos o martes anterior un partido de moito desgaste en Marsella, xogando moitos minutos con dez e ata con nove futbolistas. Iso pesounos na segunda parte.

-Parece que o Dépor cambiou e converteuse nun equipo doutro estilo.
-Nunca deixaremos contento a ninguén. O que si está claro é que o que se pretende é xogar igual de visitante que de local.

-Como vive o vestiario a posible chegada de novos reforzos?
-Nós estamos centrados no noso traballo e á espera de que veñan estes reforzos. Desde logo que non se quen serán.

-Parece que César tamén se lle abriu a porta de saída.
-O que vos podo dicir é que o míster nos deixou claro a todos que aquí o que traballe todos os días vai ter a súa oportunidade.

-Que obxectivos ten o Deportivo nesta tempada?
-Desde logo mellorar o do ano pasado, que creo que non vai ser moi difícil. Temos que quedar do sexto para arriba, porque temos capacidade para iso.

-Conformaríase coa UEFA?
-Non me conformo con nada. A tempada vai ser moi longa. Temos que baixar a cabeza e traballar con humildade, sacrificio e unidade.

-Que lle parece que a competición de Liga empece e se para xa antes da segunda xornada?
-Pois feo. Nos para o ritmo que levamos. Pero o calendario está feito así e non hai que darlle máis voltas.

-Dá a impresión de que a Intertoto é unha vantaxe sobre rivais por exemplo o Mallorca.
-Estou de acordo. E temos que aproveitalo ata outubro, novembro...

-Que lle chamou a atención da primeira xornada?
-O que máis me gustou foron os dous goles do meu amigo Romeo, do Osasuna. Creo que llo merece porque é un gran futbolista e pasouno moi mal por uns problemas nas costas.