Xoves de baixa carga para o Dépor no campo 2 do Dépor Training Center.
Após unha activación con rondos e un exercicio táctico, os futbolistas gozaron con xogos dispostos polos técnicos.
Antonio Hidalgo subliñou que "imos recuperando" e admite que o feito de xogar o martes 31 de marzo ante o Córdoba CF, cuxas mellores imaxes podes ver ao pé destas liñas, "dáche a posibilidade de chegar máis fresco ao partido".
Iso si, o técnico deportivista advirte que "hai futbolistas que xogaron 90 minutos ou practicamente os 90 minutos nos últimos 2 partidos, tamén con moitos minutos na temporada, e imos ver como van recuperando".
Opina que o xoves "é un día complicado e mañá empezarán a estar algo mellor de pernas".
Tan só Mella estivo con adestramento personalizado.
Villares adestrouse co grupo. Do futbolista lucense, o preparador branquiazul prefire ser cauto e apuntou que "se vai atopando moito mellor. Imos ver se mañá pode completar o adestramento".
Noé e Bil foron os representantes de ANOSACANTEIRA.
Este venres 3 de abril, Os Nosos realizarán a última sesión de adestramento no Dépor Training Center previa ao encontro ante o Málaga CF deste sábado 4 de abril ás 18:30 (LaLiga TV Hypermotion e Fútbol 2, dispoñible en DIGI TV e outras plataformas) en ABANCA-RIAZOR.
