Ao tres minutos, o marcador xa podía ser favorable aos levantinos. Miki xuta moi forte desde a frontal. O balón pega no traveseiro, bota dentro da portaría e cáelle a Aranzubía nas mans. O colexiado Valdés Aller, e sobre todo o seu xuíz de liña. non conceden un claro gol a favor dos locais.
Si chegará pouco despois o primeiro gol, esta vez con infortunio. Ayoze atrasa un balón e, sen querer, introdúceo na súa propia portaría, ao non decatarse da saída de Aranzubía. O vasco non alcanza a pelota, que se coa mansamente á rede.
O gol espoleó aínda máis ao Alcoyano e á súa afección. O Dépor tentouno pero creou pouco perigo, con Valerón moi vixiado e con moi poucos espazos. A ocasión máis clara foi un disparo duro de Salomao que a meta local envía a saque de esquina con moitos apuros.
Na segunda metade, o Dépor envorcouse en ataque. Aos poucos, Oltra foi acumulando homes en ataque: Riki, Saul e Juan Domínguez; e reducindo efectivos en defensa: Aythami, Seoane e Jesús Vázquez. Puido empatar o Deportivo nunha xogada de Riki que xutou ás nubes un balón franco; ou antes nun libre directo desde a frontal que Valerón enviou moi preto da escuadra esquerda do Alcoyano.
No entanto, a mellor ocasión para igualar a contenda foi un dobre remate, co porteiro do Alcoyano como protagonista. Ao final, a defensa impediu o terceiro remate de Lassad no segundo pau. Aí estivo o punto que se escapou definitivamente nun contragolpe levantino. Gato remata a pracer cando o Deportivo estaba xa con tres defensas unicamente.
Ao final, derrota xusta en Alcoy e a pensar xa no desquite copeiro deste mércores ante o Alcoyano.
Deportivo: Aranzubía, Seoane (Riki, min. 58), Colotto, Aythami (Juan Domínguez, min. 74), Ayoze; Lauren, Jesús Vázquez (Saúl, min. 65), Álex Bergantiños, Salomao; Valerón e Lassad.
Alcoyano: Mestre; Pina, Fernando Martín, Morcillo, Devesa; Cañadas (Gato, min. 76), Diego Jiménez, Miki, Álvaro; César Remón (Rafa Gómez, min. 59) e Choco Lozano (Batres, min. 80).
Goles: 1-0, m. 6: Ayoze, en propia portaría; 2-0, m. 85: Gato.
Árbitro: Valdés Aller (colexio castelán-leonés): Foron amoestados polo Dépor: Seoane, Ayoze e Aranzubía.
