Esperanza Pizarro está concentrada coa selección de Uruguai para dous partidos amigables fronte a Ecuador.
Ambos os encontros serven de preparación para as eliminatorias de clasificación do Campionato do Mundo de 2027 do mes de abril ante Perú, Bolivia e Chile.
O segundo dos choques xógase este sábado 7 de marzo ás 14:15 (hora local, 18:15 en Galicia) no Estadio Chubb Arena de Quito.
O primeiro deles foi este pasado mércores 4 de marzo no mesmo escenario.
A dianteira do Dépor ABANCA foi titular e aos 4 minutos de xogo anotou o primeiro tanto do partido.
O choque caeu para Uruguai por 2-3.
O calendario de partidos de Espe Pizarro nesta xanela FIFA, cos resultados dos xa xogados, é o seguinte:
Mércores 4 de marzo
ECUADOR 2 - URUGUAI 3
Sábado 7 de marzo
14:15 (hora local, 18:15 hora galega): ECUADOR - URUGUAI, no Estadio Chubb Arena de Quito
Espe Pizarro, na súa primeira temporada no Dépor ABANCA, leva até a data 10 partidos xogados en Liga F, 9 deles como titular, con 5 goles.
