Sen quórum na primeira convocatoria, mañá venres 23 de decembro será a Xunta de Accionistas

O Secretario do Consello de Administración, Felipe Marcos Hidalgo, acompañado polo notario, o asesor xurídico Miguel Taboada e o Conselleiro Jesús Rebollo, leu aos presentes, unicamente medios de comunicación e membros da organización, os datos desta primeira convocatoria:

Accionistas Presentes: 0
Accións Propias: 0

Accionistas Representados: 0
Accións Representadas: 0

Accionistas presentes máis representados: 0
Total accións presentes e representadas: 0
Total capital presente e representado: 0 % do capital social

REAL CLUB DEPORTIVO DA CORUÑA, S.A.D.

De conformidade co disposto na Lei de Sociedades de Capital e nos Estatutos Sociais, convócanse Xuntas Xerais Ordinaria e Extraordinaria de accionistas, que se celebrarán no Colexio Santa María del Mar (Avenida da Pasaxe nº 69) desta cidade, o próximo día 22 de decembro de 2.011 ás 20 horas en primeira convocatoria e, no seu caso, en segunda convocatoria, o día 23 de decembro de 2.011 á mesma hora e no mesmo lugar, con arranxo ás seguintes ordes do día:

Primeiro.- Exame e aprobación, se procede, das contas anuais (Balance, Conta de Perdas e Ganancias e Memoria) e do informe de xestión.

Segundo.- Exame e aprobación, se procede, da xestión do Consello de Administración.

Terceiro.- Aplicación do resultado do exercicio pechado ao 30 de xuño de 2.011

Primeiro.- Aprobación do orzamento para o exercicio de 1 de xullo de 2011 a 30 de xuño de 2012.

Segundo.- Composición do Consello de Administración e retribución dos Conselleiros.

Dereito de asistencia: Poderán asistir á Xunta Xeral os accionistas que de forma individualizada ou agrupadamente con outros, sexan titulares dun mínimo de dúas accións.

Dereito de representación: Todo accionista que teña dereito de asistencia poderá facerse representar na Xunta Xeral por medio doutra persoa, de conformidade co disposto nos Estatutos.

A representación deberá conferirse por escrito e con carácter especial para estas Xuntas, observándose no demais as disposicións legais na materia.

Dereito de información: De acordo co disposto nos artigos 197 e concordantes da Lei de Sociedades de Capital, e 15 dos Estatutos sociais, advírtese expresamente aos señores accionistas do seu dereito de solicitar no domicilio social e, no seu caso, obter de forma gratuíta e inmediata a información ou aclaracións que estimen precisas acerca dos asuntos comprendidos na orde do día de ambas as Xuntas e de pedir a entrega gratuíta dos devanditos documentos (artigo 272.2 da L.S.C.).

A Coruña, 22 de novembro de 2.011