Ao finalizar o adestramento desta mañá en Abegondo, Sidnei recibiu a alta médica e entrou na lista de 18 xogadores convocados para o partido de mañá sábado 2 de decembro no Estadio Sánchez Pizjuán (18:30 horas, Bein LaLiga), pertencente á 14ª xornada da LaLiga Santander.
Quedan fóra da convocatoria por lesión Luisinho, Bruno Gama, Bakkali e Pantilimon, este a consecuencia dunha escordadura condro-costal ca que acabou o partido de Copa do Rei do pasado mércores nas Palmas.
No adestramento desta mañá, no campo 3 da Cidade Deportiva, após un quecemento e uns rondos, Cristóbal dispuxo para o primeiro cadro e o fabrilista Edu Expósito dun traballo táctico.
Os convocados viaxan esta tarde segundo esta folla de ruta:
Venres 1 decembro
18:00: Saída do voo do Aeroporto da Coruña con destino Sevilla
19:10: Chegada aproximada a Sevilla e aloxamento no Hotel NH Collection Sevilla
Sábado 2 decembro
18:30: Sevilla - Deportivo, no Estadio Sánchez Pizjuán
22:30: Saída do voo do Aeroporto de Sevilla con destino ao Aeroporto da Coruña
23:35: Chegada aproximada ao Aeroporto da Coruña
Após o partido na capital andaluza, o primeiro equipo regresa aos adestramentos o martes 5 de decembro ás 10:30 horas en Abegondo.
