Dous equipos da canteira deportivista, Infantil B e Benxamín A, teñen torneo amigable mañá xoves 8 de decembro, día festivo. Así, o Infantil B participa na sexta edición do Torneo do Laracha CF, no Municipal de Laracha. Este mesmo torneo, pero en categoría alevín, conquistouno o pasado martes 6 de decembro o Alevín B.
O calendario da Primeira Fase é o seguinte:
11.00: INFANTIL B - SPORTING CORUÑÉS (campo 1)
13.00: INFANTIL B - GALICIA MUGARDOS (campo 1)
15.00: INFANTIL B - IMPERÁTOR (campo 1)
Os dous primeiros equipos pasan a cuartos de final, que se xogan xa a continuación.
O Infantil A é o actual líder do grupo 1º da Primeira Autonómica con 36 puntos de 36 posibles, con 5 puntos de vantaxe sobre o seu inmediato perseguidor, o Imperátor, que ten 31 puntos.
Pola súa banda, o Benxamín A compite na segunda edición do torneo Tucho da Torre, que se xoga no Estadio Municipal San Pedro de Marín (Pontevedra), con este calendario da Primeira Fase:
10.00: BENXAMÍN A - PORTEIRO '2000'
11.00: SANTA MARIÑA - BENXAMÍN A
12.45: BENXAMÍN A - XUVENTUDE DE OROSO
13.45: ALONDRAS - BENXAMÍN A
Os dous primeiros clasificados acceden a cuartos de final, que se disputan seguidamente.
O Benjamín A marcha primeiro no seu grupo de Primeira Comarcal, con 33 puntos de 33 posibles, con 5 puntos de vantaxe sobre o Olímpico A.
