Tristán: Se gañamos ao Betis meterémonos aí arriba nunha dinámica moi positiva

-E agora é importante ter continuidade.
-Si creo que é importante para min ter a confianza do míster e seguir xogando.

-Di o míster, Joaquín Caparrós, que non termina os partidos porque o quere con fame.
-A min gústame xogar todo e o míster sábeo. O que eu valoro é axudar ao equipo. Os goles van chegar.

-A que porcentaxe física atópase?
-Eu creo que estou ao cento por cento. Atópome moi ben e o que necesito é seguir xogando regularmente.

-Pídelles o adestrador máis sacrificio en defensa?
-Non. Pídenos como a calquera outro adestrador. O que ocorre é que me atopo fisicamente ben e trato de botar unha man.

-O Betis?
-Bo equipo. Está a xogar a Champions e ten xogadores importantes como Oliveira, Joaquín... Vai ser moi difícil porque ademais gústalle ter a pelota.

-Satisfeito co xogo do equipo?
-Si. Todos estamos moi contentos. Sacamos un punto nun campo complicado e aínda non coñecemos a derrota.

-Vostede xogou no Betis, pero a súa familia é de sevillistas.
-Sempre que xogas ante un equipo da túa terra é especial. No meu caso ademais se podo marcar un par de goles para a miña familia e amigos sevillistas, moito mellor. Déronseme ben tanto o Betis como o Sevilla.

-O que terá que estar máis motivado será o míster?
-Seguro que ten as mesmas ganas de todos. Desde logo é un partido importante porque se gañamos metémonos aí arriba nunha dinámica moi positiva.