Nova semana de pretemporada para ANOSACANTEIRA con dobre cita para o Fabril, torneo en Santiago para o Xuvenil A e primeiro amigable para o Xuvenil B.
Precisamente o Xuvenil B (na foto da noticia), que arrincou a pretemporada o pasado venres 1 de agosto, xogou o seu primeiro amigable en Muxía ante o conxunto local sénior que milita en Primera Autonómica.
Venceron os branquiazuis por 2-3 con goles de Roi, Ander e Nico Giovanni.
Este sábado 9 de agosto ás 11:30, o Fabril enfróntase en Arzúa á SD Compostela.
Son baixa os lesionados Aarón, Garrido e Manu Ferreiro; ademais de Damián e Samu, que están en dinámica do primeiro equipo.
Será o segundo partido desta semana para os de Manuel Pablo, que o pasado mércores 6 medíronse ao Racing de Ferrol en Narón.
Ambos os equipos repartíronse un tempo.
Foi mellor o Fabril na primeira metade, que acabou con triunfo provisional branquiazul por 0-2 con tantos de Nájera e Malick.
Após o descanso, reaccionou o Racing de Ferrol e impuxo a súa pegada para levar o partido por 3-2.
Finalmente, o Xuvenil A participa no Torneo Unindo Camiños que se xoga a fin de semana en Santa Isabel (Santiago de Compostela).
Os rivais na Primera Fase dos branquiazuis, en partidos de 25 minutos de duración, son o Pontevedra CF, Atlético de Madrid, SD Compostela e Arosa SC.
O calendario de amigables desta semana, cos resultados dos xa xogados, é o seguinte:
Segunda Federación
RACING DE FERROL 3 - FABRIL 2 (Nájera e Malick)
SD COMPOSTELA - FABRIL, este sábado 9 de agosto ás 11:30 no campo de O Viso (Arzúa)
Categoría xuvenil
Torneo Unindo Camiños, en Santa Isabel (Santiago)
Primeira Fase
Sábado 9 de agosto
10:00: XUVENIL A - PONTEVEDRA CF
11:00: ATLÉTICO DE MADRID - XUVENIL A
12:00: SD COMPOSTELA - XUVENIL A
13:00: XUVENIL A - AROSA SC
Os dous primeiros do grupo pasan a semifinais, que se xogan o domingo 10
SD MUXÍA (Primera Autonómica) 2 - XUVENIL B 3 (Roi, Ander e Nico Giovanni)
