Un bo Dépor planta cara ao Real Madrid, que gañou cun gol ilegal e dúas accións illadas
O Deportivo demostrou esta noite no Santiago Bernabéu que é un equipo ben armado en defensa e con capacidade de crear perigo en ataque. Iso si, seguen marcando os defensa, como Capdevila nesta ocasión, que empatou a un tanto o partido ao rematar unha boa
Joaquín Caparrós deu co seu once tipo, o que arrincou o partido no Santiago Bernabéu. Aouate en portaría; con Coloccini, Lopo, Andrade e Capdevila en defensa; Sergio e De Guzman no dobre pivote; Estoyanoff e Cristian, que substituíu ao lesionado Riki, polas bandas; e con Juan Rodríguez e Arizmendi en ataque.
Con este once, o Real Madrid apenas creou perigo. Arizmendi puido adiantar ao Dépor pero o seu chute foise desviado. O marcador abriuno Sergio Ramos que se aproveitou dunha acción claramente antirreglamentaria de Van Nistelrooy, que empuxou o balón coa man na área pequena. Segundo erro de vulto dos colexiados que custaron caro ao Dépor, tras o fallo clamoroso de Teixeira Vitienes e un dos seus linieres o pasado domingo en Riazor que valeu o gol da vitoria do Sevilla.
Tras o descanso, chegaron os mellores momentos do Deportivo. Xa puido empatar Juan Rodríguez, cuxo disparo sacouno Casillas tras unha longa xogada de ataque coruñesa. Igualou máis tarde Capdevila merecidamente nun bo centro raso de De Guzman desde a banda esquerda.
Pero Raúl aproveitou o único descoido da zaga coruñesa para volver pór en vantaxe ao Real Madrid. Caparrós xógalla entón. Retira a Estoyanoff, que volveu callar un bo partido, e mete a Bodipo en punta, coni Arizmendi pola dereita. O guineano puido volver empatar pero o seu disparo raso e cruzado atallouno Casillas. Beckham puido bater a Aouate, pero a súa falta directa desde a frontal foise ao pau. Esta foi a única ocasión do Real Madrid que tivo case ao longo do partido que non acabou en gol.
O terceiro tanto madridista chegou nunha xogada de fortuna, no que o rexeite na área pequena chegoulle a Van Nistelrooy libre de marca. Estaba claro que o Real Madrid só puido gañar a un bo Deportivo desta forma, en tres acciones illadas, unha delas antirreglamentaria e outra de fortuna.
Moi boa imaxe do Dépor, que, como demostrou ante o Sevilla, deixou clara a súa profesionalidade en partidos nos que non se xoga máis que a honra e acabar o máis arriba posible na clasificación. Xa hai semanas que o equipo cumpriu os seus obxectivos esta tempada.