Un Fabril que xogou 76 minutos con 10 xogadores por expulsión do meta Alberto caeu (2-1) na Porta Santa ante o UD Paiosaco H. Añón. O partido corresponde á 13ª xornada no subgrupo A da Terceira División e foi aprazado no seu día por COVID-19 no conxunto larachés.
Os locais aproveitaron a temperá vermella directa ao gardameta deportivista (minuto 14) para adiantarse por dúas veces no marcador.
Tralo descanso foi superior o Fabril, que recortou diferenzas grazas a un tanto de Barba; pero quedou sen forzas e sen sorte para polo menos empatar o encontro.
Con este resultado, o filial deportivista suma 24 puntos e, con dous partidos menos, iguala ao Racing Villalbés, cuarto con idéntica puntuación e tamén dous encontros menos xogados. Terceiro na clasificación é o Polvorín FC, que alcanza os 27 puntos con dous choques que ten aínda por disputar.
Fabril: Alberto, Iván Guerrero, David Suárez, Juan Rodríguez, Guille Bueno, Kanouté, Javi Sánchez, Barba, Adri Castro, Manu Mosquera e Boedo. Tamén xogaron: Pablo Brea, Yeremay, Pescador, Álex e Guedes.
O vindeiro sábado 13 de febreiro ás 16:30, a Fabril visita ao CD As Pontes no Poboado.
Os resultados até a data do Fabril son os seguintes:
UD Somozas 0 - Fabril 0
Fabril 5 (Rayco, Manu Mosquera -2-, Sarmiento e David Suárez) - UD Paiosaco H. Añón 0
Silva SD 1 - Fabril 1 (Iván Guerrero)
Fabril 0 - CSD Arzúa 1
Racing Villalbés 3 - Fabril 3 (Rayco, Villares e Juan Cambón)
Fabril 2 (Villares e Boedo) - CD As Pontes 0
Bergantiños FC 2 - Fabril 1 (Boedo)
Fabril 1 (Javi Sanmartín) - Polvorín FC 4
Fabril 3 (Adri Castro, Barba e Yuste) - Agrupación Estudantil 1
SD Fisterra 1 - Fabril 2 (Adri Castro e Javi Sánchez)
Fabril 3 (Adri Castro e Rayco -2-) - Viveiro CF 0
Fabril 2 (Javi Sánchez e Boedo) - UD Somozas 0
UD Paiosaco H. Añón 2 - Fabril 1 (Barba)
Fabril - Silva SD, o mércores 24 de febreiro ás 19:30
CSD Arzúa - Fabril, o domingo 21 de febreiro
Fabril - Racing Villalbés, aprazado
