Os xogadores do Real Club Deportivo, Eric Puerto, Iano Simao e Ximo Navarro fixeron un paréntese na preparación do partido de ida da Final de Campións ante o CD Castellón de mañá mércores 29 de xuño ás 21:00 horas en ABANCA-RIAZOR (TVG-2 e FEF TV) para visitar o Hospital Quirónsalud A Coruña.
Os futbolistas, que estiveron acompañados polo conselleiro do Club Vicente Fernández, tiveron a oportunidade de recibir as felicitacións polo ascenso a Segunda División por parte do persoal sanitario e de transmitir o seu agarimo aos pacientes que estes días reciben os seus coidados no citado centro médico coruñés.
A comitiva deportivista foi recibida por Carlos Paz, Director Territorial de Quirónsalud Galicia e por Pablo Asensio, Director Médico Territorial de Quirónsalud Galicia.
Desde a temporada 2020-21, o Hospital Quirónsalud A Coruña presta os servizos médicos aos xogadores do club como centro hospitalario de referencia do Real Club Deportivo, polo que se encarga de realizar cada ano os recoñecementos médicos dos xogadores en pretemporada, así como de prover aos mesmos de todas as súas necesidades de saúde durante a temporada.
