Michi Apóstolo está concentrada coa selección venezolana sub-20 no Campionato Suramericano que se disputa durante este mes en Guayaquil (Ecuador).
Os rivais na Primeira Fase da 'Vinotinto' son Bolivia, Colombia, Brasil e Chile. Os 3 primeiros clasificaranse para a Fase Final do torneo.
A segunda cita para Venezuela neste torneo foi esta pasada madrugada en España, ante Colombia no Estadio Alberto Spencer Herrera.
Venceron as colombianas (4-1), con Michi Apóstol no once inicial venezolano nun partido que se puxo costa arriba xa aos 2 minutos cun gol en propia porta.
A atacante deportivista dispuxo dalgunha oportunidade como un remate no minuto 58. Ademais no minuto 83 asistiu a Rebecca Vega, que disparou ao poste da portería de Colombia.
O primeiro partido para a futbolista branquiazul foi o pasado venres fronte a Bolivia no mesmo escenario.
Michi Apóstol tamén xogou completo o partido e anotou no minuto 53 un do seis goles do seu equipo ante as bolivianas (6-0) mediante un disparo raso dentro da área. Ademais asistiu a Francelis Graterol no sexto tanto.
Puido marcar algún gol máis por exemplo un remate ao traveseiro no minuto 36 ou un disparo que se foi lixeiramente desviado no 83.
A próxima cita para Venezuela no torneo será a madrugada do xoves ao venres 19 de abril en España (1:30), con Brasil como rival.
O calendario de partidos das venezolanas no Campionato Suramericano, cos resultados dos xa xogados, é o seguinte:
Venres 12 de abril
VENEZUELA 6 - BOLIVIA 0
Mércores 17 de abril
COLOMBIA 4 - VENEZUELA 1
Venres 19 de abril
1:30: VENEZUELA - BRASIL, no Estadio Alberto Spencer Herrera
Sábado 20 de abril
23:00: VENEZUELA - CHILE, no Estadio Alberto Spencer Herrera
Michi Apóstol é unha dos membros de #ANOSACANTEIRA que están no radar das categorías inferiores das diferentes seleccións nacionais como tamén Elena Vázquez, Lucía Rivas, Antía Veiga, Kevin Sánchez, José Rey ou Pablo García con España; Dunia Dahmouni e Amin Moustapha con Marrocos; ou Álex Delgado tamén con Venezuela.