Víctor Fernández: Eu confío e creo moito no meu equipo

Asegura que haberá "catro ou cinco caras novas respecto ao que xogou en Sevilla (na primeira volta). A esixencia é grande porque o equipo rival ten calidade, está nese grupo de Atlético de Madrid, Valencia e Vilarreal, que van loitar pola terceira e cuarta praza. Fixo un bo partido fronte ao Atlético de Madrid. Paradoxalmente foi o equipo que máis ataques fixo no partido e con todo non puido marcar ningún gol e empataron a ceros. Nós fomos o terceiro equipo con máis ataques totais na xornada, o primeiro como visitantes. E tampouco puidemos marcar".

Define ao Sevilla como un equipo "atlético, físico, ten xogo por dentro, ten profundidade polas bandas. Ten un depredador como Bacca no centro. É un equipo moi ben estruturado e moi ben dirixido".
 

Pola súa banda, Alex Bergantiños manifestou, tamén en sala de prensa, que o conxunto andaluz "é un equipo forte. Pero ou noso equipo está mellor, está competindo ben. Na casa e coa nosa afección será difícil seguro, pero podemos sacalo adiante".

Da seca goleadora do Deportivo no tres últimos partidos, un dos capitáns branquiazuis opina que "os refachos ou dinámicas negativas canto antes as cortes moito mellor. Tamén sabemos que foron partidos difíciles, Real Madrid e Celta. O día do Almería merecemos moito máis. Hai que ter tranquilidade. Ao final esta Liga creo que vai moito por dinámicas. O calendario marca moito os refachos que teñen os equipos. Temos ganas de volver marcar, de gañar na nosa casa, porque sería un paso moi importante, gañar a un rival como o Sevilla e distanciar un pouco máis o descenso".