-Foto:@https://x.com/SEFutbolFem
Antía Veiga (na foto na última fila de pé a primeira futbolista empezando pola esquerda) con España sub-17 venceu este domingo 12 de outubro a Estados Unidos no seu último test antes do Campionato do Mundo de Marrocos.
O encontro xogouse a porta pechada.
Esta semana que conclúe, a canteirá branquiazul e o resto das súas compañeiras enfrontáronse a México noutro encontro de preparación que finalizou en empate.
No Mundial, os rivais de Antía Veiga na Primera Fase serán Colombia, República de Corea e Costa de Marfil.
O calendario de España sub-17 é o seguinte:
Domingo 19 de outubro
20:00: ESPAÑA - COLOMBIA, no Football Academy Mohammed VI Rabat
Mércores 22 de outubro
14:00: ESPAÑA - REPÚBLICA DE COREA, no Football Academy Mohammed VI Rabat
Sábado 25 de outubro
14:00: COSTA DE MARFIL - ESPAÑA, no Football Academy Mohammed VI Rabat
Antía Veiga, que acaba de renovar o seu contrato até 2028, leva até a data 3 partidos xogados como titular no Deportivo ABANCA B de Segunda Federación.
