Mañá de descanso activo para o primeiro equipo, hoxe sábado 2 de marzo en Abegondo. Circunstancia habitual no Dépor a 2 días do partido, neste caso ante a AD Alcorcón en ABANCA-RIAZOR, previsto para este luns 4 de marzo (21:00, GOL e LaLiga 1|2|3 TV), correspondente á 28ª xornada en LaLiga 1|2|3.
O cadro reuniuse durante 40 minutos na sala de vídeo. A continuación, após un quecemento preceptivo, os futbolistas disputaron un torneo de fútbol-tenis.
O preparador físico Julio Hernando, xuíz único de competición, dividiu ao cadro en 6 equipos, que se foron enfrontando todos contra todos en 3 campos.
A mañá completouse no ximnasio e na padiola dos fisioterapeutas do Club.
Mañá domingo, Natxo González citou aos seus futbolistas na Cidade Deportiva ás 11:00 horas.
