O conxunto branquiazul pechará esta semana de traballo co segundo encontro de preparación. Será o sábado 27 de xullo ás 19:00 horas fronte ao Racing de Ferrol no campo de Cantarrana en Viveiro.
Ambos os equipos pelexarán polo Trofeo 25 Aniversario da Peña Deportivista de Viveiro, cuxos actos conmemorativos se iniciaron onte martes 23 de xullo coa inauguración dunha exposición sobre o seu cuarto de século de vida. A Sala Municipal da Praza Maior de Viveiro acolle a mostra até o día do partido.
O choque poderase seguir, como todos os da pretemporada branquiazul, pola canle de Youtube do RC Deportivo.
As datas e horarios no calendario de traballo do Dépor son:
Mércores 24 de xullo: Cidade Deportiva de Abegondo, Deportivo 2 (Christian Santos e Mujaid) - Fabril 0
Sábado 27 de xullo, 19:00: Cantarrana (Viveiro), Trofeo 25 Aniversario da Peña Deportivista de Viveiro, Deportivo - Racing de Ferrol
Mércores 31 de xullo: Pasarón (Pontevedra), 21:00 h. Deportivo - Tenerife; 22:00 h. Pontevedra CF - Deportivo
Sábado 3 de agosto: A Magdalena (Vilalba), Deportivo - SD Ponferradina
Sábado 10 de agosto: ABANCA-RIAZOR, 21:00, Trofeo Teresa Herrera, Deportivo - Real Betis
