Hai máis de ano e medio, a Fundación RC Deportivo e WE Sustainability uniron as súas forzas para concienciar á sociedade mostrando que, a través do deporte, pódese contribuír en accións con impacto positivo na nosa contorna. Desde entón, membros dos diferentes cadros que compoñen o RC Deportivo colaboraron da man de WE levando a cabo un proxecto conxunto bautizado como WEDÉPOR, concienciación e acción a través do mundo do deporte.
Hoxe, após distintas xornadas de limpeza de residuos no noso litoral, talleres de deseño e presentación ao primeiro cadro do RC Deportivo, sae á luz a camiseta solidaria WEDÉPOR. Unha camiseta cun deseño exclusivo baseado nos debuxos realizados por membros do Dépor Genuine e A Nosa Canteira, producida en algodón 100% orgánico, confeccionada en Portugal cumprindo cos estándares europeos en materia de regulación laboral para loitar por unha industria da moda xusta, inclusiva e sustentable, e cuxa recadación íntegra se destinará a novas accións desta alianza WEDÉPOR.
Queres a camiseta solidaria WEDÉPOR? Consíguea nesta ligazón. Este lanzamento é unha pre-compra exclusiva con promoción de Blue Friday (envíos gratuítos se se compra antes de final de mes) para os primeiros que logren facerse con ela. Unha vez adquirida, entregaranse a partir do 19 de decembro. Se, minimizando a pegada de carbono dos envíos, recóllese persoalmente nas tendas de VAZVA coa camiseta entregarase un chaveiro feito con plástico reciclado.
O pasado mes de xuño, na Cidade Deportiva de Abegondo, Álex Pereira, capitán do Dépor Genuine, tivo a oportunidade de presentar a camiseta aos capitáns do primeiro equipo branquiazul masculino, Álex Bergantiños e Ian Mackay. Membros de WE acompañaron ao capitán para explicar a elaboración e proceso desta camiseta que desde agora pode ser túa aquí.
